Çdo vit, vendi ynë humbet rreth 20.000 banorë. Gjatë 10 viteve të fundit nga Shqipëria janë larguar 450.000 shqiptarë.
Që prej vitit 2011, Shqipëria ka humbur 7.5% të banorëve të saj, tregojnë shifrat e emigracionit të nxjerra nga Instituti i Statistikave (INSTAT)
Me përjashtim të Tiranës, në 11 qarqe të vendit janë parë efektet e braktisjes së qyteteve shqiptare. Në vitin 2021 janë përshpejtuar ritmet e ikjes.
Që në vitin 1990 nisi emigrimi masiv i shqiptarëve drejt vendeve të Europës dhe 32 vite më pas shifrat e shpopullimit janë në nivele të larta. Për të frenuar ikjen nga vendi duket se nuk është marrë asnjë politikë bindëse nga qeveria.
Në tre dekadat e fundit, Italia, Greqia, SHBA dhe Gjermania janë shtet ku numri i emigrantëve shqiptarë arrin në 1.2 MLN.
Arsyet kryesore që shqitarët kanë lënë vendin janë shëndetësia e mjeruar, shkollimi i niveleve të dobëta, shërbimet shoqërore të mbushura me burokracira dhe sorrollatje të pakuptimta dhe në përgjithësi cilësia e ulët e jetës.
Diaspora shqiptare e shtrirë në 5 kontinente përfshin një komunitet me 1.7 MLN shqiptarë.



