Ditët e fundit, vendi është përballur me reshje të dendura shiu teksa këto kushte atmosferike kanë ndikuar në liqenin e Komanit pranë zonës së Markajt.
Pavarësisht bukurisë natyrore që ofron, ky liqen është lënë në harresë nga pushteti vendor. Në një video të mbërritur pranë JOQ Albania shihet fare qartë pamja skandaloze që të ofron ky liqen. Siç shihet plehrat kanë pushtuar të gjithë rrethinën e Komanit.
Ajo që vlen të theksohet është se ndonëse është pushtuar nga llumi, asnjë nga instancat përkatëse nuk kanë dhënë zgjidhje për të pastruar liqenin në fjalë i cili i mbuluar nga ndotja ofron një pamje që lë për të dëshiruar.
Situata është problem shqetësues ndër vite, ndërsa ende nuk ka ndonjë reagim për zgjidhjen e këtij problemi. Mbetjet plastike, produkte ushqimore, mbetjet e ambalazheve dhe inerte nga më të ndryshmet janë aktorët kryesor që Komani të lë një panoramë të shëmtuar.



