Janë përfshirë në debat e ëma e Sindit dhe e Melisës në “PërPuthen”, ku të dyja i kanë dalë në mbrojtje të bijave, gjatë komenteve për sherret që vajzat kanë patur në studio.

E ndërsa Sindi dhe Melisa u ngritën dhe i përqafuan, në përpjekje për t’i qetësuar, sërish zonjat kanë vijuar debatin, ku e ëma e Melisës tha se e kishte rritur të bijën me edukatë.

Pikërisht kjo fjali irritoi nënën e Sindit, që iu drejtua duke i thënë “të lutem mos u kap te pjesa e edukatës”.

Megjithatë, në fund, e ëma e Melisës tha se vajzat duhet ta harrojnë çfarë ndodhi dhe të mirëkuptohen, ndërsa në po të njëjtin mendim ishte edhe e ëma e Sindit.