Aktori i njohur i humorit Ledio Lako ka qenë i ftuar në emisionin “Mos i fol Shoferit”, ku edhe ka folur për profesionin e tij në “Portokalli.”

I pyetur nëse e ka menduar ndonjëherë që të shkëputej nga emisioni për të bërë një projekt tjetër, Ledio është shprehur se ka investuar te personazhet e tij në ‘Portokalli’ dhe paguhej mirë, kështu që nuk do ta bënte.

Pjesë nga intervista:

Rudina Dembacaj: Ke menduar të shkëputesh nga Portokallia për ndonjë projekt tjetër më të madh?

Ledio Lako: Nuk ka dalë akoma një projekt më i madh dhe mund ta bëj një pauzë nëse del një projekt më i madh. S’mund të them projekt më i madh sepse më të madh se Portokallia s’ka.

Rudina Dembacaj: Po në një film për shembull?

Ledio Lako: Filmi është një biznes që rrezikon, por nuk më pengon për të luajtur në Portokalli . Se e thashë projekt më të madh se Portokallia nuk kam parë, me pagesën që ka dhe me lekët që fiton.

Sigurisht që gjatë intervistës nga ana e Ledios, nuk ka munguar edhe ironia për programet e tjera të humorit si ‘Al Pazar’ dhe ‘Klanifornia’.

“Unë kam investuar aty dhe kam rrogë shumë të mirë, paguhem shumë mirë për tregun shqiptar. Jemi ne, pastaj janë Portokallitë B ,C, janë degë,”-tha më tej Ledio.