Shqipëria jo më kot vitet e fundit ka filluar të cilësohet edhe si vendi i çudirave.
Në vendin tonë përveç të tjerave, duhet të mendosh të blesh edhe vdekjen, sa je gjallë dhe për këtë mjafton të gjesh “marifetçinjtë e duhur” që ta lehtësojnë rrugën për në botën tjetër.
Së fundmi emisioni investigativ “Stop” ka denoncuar një skandal që tregon se si mund të blesh një vend në varrezat e Tufinës.
Në këtë rast, shefi i agjencisë funerale është treguar shumë “bujar”, pasi për 500 mijë lekë të vjetra të ofron dy vende varresh, për të dy prindërit, pavarësisht nga gjendja e tyre shëndetësore.
Pasi blen varrin, qytetari paguan dhe 50 mijë lekë të vjetra për t’i bërë bordurën dhe në fund varri pagëzohet edhe me emrin që blerësi do.



